Քննչական կոմիտեից տեղեկացրել են՝ ինչ վարույթի շրջանակում են ձերբակալել Մայր Աթոռ Սուրբ Էջմիածնի դիվանապետ Արշակ արքեպիսկոպոս Խաչատրյանին։
Նրան մեղադրում են Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով։
«Քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական համաձայնությամբ թմրամիջոց ապօրինի իրացնելը՝ հանդիսադիր վայրում)»,- Aysor.am-ին ասացին քննչականից։
Ավելի վաղ հայտնել էինք, որ ԱԱԾ-ն քննչական կոմիտեի շենքում ձերբակալել է Արշակ Սրբազանին։
Նշենք, որ Սրբազանի փաստաբանը՝ Արսեն Բաբայանը, դեռ տեղեկություններ չի հայտնել ձերբակալության պատճառների վերաբերյալ։ Նա քիչ առաջ հայտարարել էր, որ ավելի ուշ պարզաբանումներ կներկայացնի։
