Այսօր մամուլի ասուլիսի ժամանակ ՇՄ նախարար Համբարձում Մաթևոսյանն ամփոփել է Շրջակա միջավայրի նախարարության՝ 2025-ի աշխատանքները:
Նա նշել է, որ Սյունիքի մարզի «Շիկահողի» հարցը կքննարկվի Ադրբեջանի հետ սահմանազատումից հետո:
Մաթևոսյանը հույս է հայտնել, որ խաղաղության պայմաններում հնարավորություն կստեղծվի հարևան երկրի հետ իրականացնել անտառպահպանման աշխատանքներ սահմանամերձ հատվածներում։
Նշենք, որ մամուլում պարբերաբար հրապարակումներ են լինում, որ Սյունիքի «Շիկահողի» արգելոցի տարածքում ադրբեջանական կողմը մասսայական ծառահատումներ է իրականացնում՝ իր դիրքերի, ամրաշինական աշխատանքների և ճանապարհների բացման համար:
