ԱԺ «Հայաստան» խմբակցության ղեկավար Սեյրան Օհանյանը ֆեյսբուքյան էջում գրառում է կատարել՝ մեջբերելով Գարեգին Նժդեհի հետևյալ խոսքերը․
«Ես ճանաչում եմ քեզ, երկաթե՛ ժողովուրդ, որին աստվածային կամքով, վկա է քո պատմությունը, տրված է առասպելական փյունիկի՝ իր աճյունից վերածնվելու կարողությունը։
Դու, քրտինքի հերո՛ս ժողովուրդ, որի ստեղծագործ ձեռքերը դժվարացան անդամալուծել անգամ լենկթեմուրները՝ մեծ ու փոքր… Դու այս փորձությունը ևս կանցնես և կվերաշինես ու կշենացնես քո երկիրը…
Ես ճանաչում եմ քեզ, չար բախտի հետ պայքարի մտած անընկճելի՛ ժողովուրդ, խորապես հավատում քո մեծ ու երջանիկ ապագային… և կարոտով ու երկյուղածությամբ ծունկի գալիս ու համբուրում քո՝ աշխատանքի մեջ կոշտացած ու սրբացած, քո հայրենաշեն ձեռքը։
Գարեգին Նժդեհ»։
