«Տեսնես՝ սա ի՞նչ հաշիվ է»․ Արման Մելիքյան


«Տեսնես՝ սա ի՞նչ հաշիվ է»․ Արման Մելիքյան
Սեպտեմբեր 23 15:17 2021

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Գորիս-Կապան միջպետական ճանապարհի մի հատվածն այժմ ադրբեջանցիների կողմից է վերահսկվում: ՀՀ իշխանությունները պաշտոնպես ճանաչել են այդ հատվածն Ադրեջանի տարածք և ադրբեջանցի ոստիկանական-մաքսային անցակետերի տեղակայումն էլ այնտեղ իրավաչափ են համարում: Ասում են, որ սա Խորհրդային Ադրեջանի տարածք է եղել: Ասում են նաև, որ Ադրբեջանի հետ հարաբերությունները լիովին կարգավորելու համար անհրաժեշտ է իրականացնել միջպետական սահմանի դելիմիտացիա ու դեմարկացիա: Այդուհնդերձ, այդ տարածքն ադրբեջանական են հռչակել նախքան դելիմիտացիան ու դեմարկացիան իրականացնելը: Այսինքն՝ կանխավ: Հանձնելուց հետո այդ հատվածով երթևեկության անվտանգության ապահովումը ռուսներն էին իրենց վրա վերցրել, բայց այժմ, կարծես, անէացել են այնտեղից: ՀՀ ԳՇ պետն ասում է, որ բազմիցս հանգիստ անցել է այդ հատվածով: Դրան հակառակ պարսկական մեքենաների համար անհաղթահարելի խոչընդոտներ են հարուցվում ադրբեջանցիների կողմից, իսկ անէացած ռուսներն էլ, բնականաբար, չեն միջմտում: Տեսնես՝ սա ի՞նչ հաշիվ ա...»։

 
Աղբյուրը` Արման Մելիքյան


loading...