«Իշխանություն» լրատվականը հայտնել է, որ գիշերը մարտական հերթապահություն իրականացնելիս հրազենային վիրավորում է ստացել պայմանագրային զինծառայող Եփրեմ Գևորգյանը։
Նշվում է, որ զինծառայողը տեղափոխվել է Մուրացանի զինվորական հոսպիտալ և գտնվում է անգիտակից վիճակում։ Նախնական տեղեկություններով՝ նա հրազենային վիրավորում է ստացել ուսի շրջանում։
ՀՀ ՊՆ-ից հաղորդում են, որ, նախնական տվյալներով, զինծառայողը վնասվածք է ստացել զենքի օգտագործման կանոնների խախտման հետևանքով։
«Զինծառայողի կյանքին վտանգ չի սպառնում»,- նշել են ՊՆ-ից։
