Պետական պարտքի բեռը ՀՀ քաղաքացիների ուսերին է

«Հայաստանը ես եմ» քաղաքական նախաձեռնության ղեկավար Նաիրի Սարգսյանը, անդրադառնալով պետական պարտքին, նշել է, որ պետական պարտքը արդեն սկսել են մարել Հայաստանի Հանրապետության թոշակառուները․ «Եթե պետական պարտքը վերցրած չլինեին այսքան անիմաստ ու աննպատակ, ապա յուրաքանչյուր թոշակառուի թոշակը կարող էր բարձրանալ 50000 դրամով։

Հարգելի՛ 500000 թոշակառուներ, դուք հիմա պետական պարտք եք սպասարկում։

Բնակարանների և անշարժ գույքի սեփականատերերն արդեն բարձր են վճարում գույքահարկը, մանր և միջին տնտեսվարող սուբյեկտները կրկնակի հարկ են վճարում, սպառողական վարկեր ունեցող անձինք 24 %-ով վարկ են վերցնում, որպեսզի պետությունը կարողանա մարել պետական պարտքը»։