«Անպայման հետևիցս պիտի գայիր, ա՛յ տղա»,-դատարանում հերթական դատական նիստին դիմելով որդուն՝ Սպարտակ Ղուկասյանին՝ ասաց Գյումրի համայնքի ղեկավար Վարդան Ղուկասյանը։
«Չեմ եկել, բերել են»,-պատասխանեց Սպարտակ Ղուկասյանը։
Հիշեցնենք, որ օրեր առաջ Գյումրիի կալանավորված քաղաքապետի ու նրա որդու քրեական հոդվածներին ևս մեկն է ավելացել՝ խուլիգանությունը:
Վարդան Ղուկասյանը մեղադրվում է պաշտոնեական դիրքի չարաշահման, կեղծիքի ու փողերի լվացման համար, իսկ Սպարտակ Ղուկասյանը, ըստ իրավապահների, աջակցել է հորը:
Սա հոկտեմբերից ի վեր Վարդան Ղուկասյանին առաջադրված արդեն երրորդ մեղադրանքն էր:
