«ՀԷՑ վերահսկողական կոմիտեն» արձագանքել է Ռոմանոս Պետրոսյանի այսօրվա պնդումներին․
«ՀԷՑ-ի ժամանակավոր կառավարիչը արդեն երկրորդ սխալ տեղեկատվությունն է տարածում։ Նորաթուխ էներգետիկին առաջարկում ենք հերքել տեղեկությունն առ այն, որ ՀԷՑ Տնօրենների խորհրդի աշխատավարձը որևիցե կերպ ազդում է սակագնի վրա:
Նորաթուխ էներգետի՛կ, Տնօրենների խորհրդի աշխատավարձը տալիս է սեփականատերը իր գրպանից, և այն որևիցե կերպ չի ազդում սակագնի վրա»։
Հրապարակվել է նաև ՀԷՑ-ի ՔՊ-ական կառավարչի և նրա կողմից նշանակվածերի եկամտի չափը․
«ՀԷՑ ՔՊ-ական կառավարիչը ամսական ստանում է 5 200 000 ՀՀ դրամ, տարեկան 62 400 000 ՀՀ դրամ:
Ընդհանուր առմամբ, ՀԷՑ-ում ՔՊ-ական և էներգետիկայի հետ կապ չունեցող 8 նշանակվածների տարեկան աշխատավարձը կազմում է 212 976 000 ՀՀ դրամ։ 7 տարվա հաշվարկով թիվը կկազմի 1 490 832 000 ՀՀ դրամ»։
