Հայկական ծագումով ամերիկացի հեռուստաաստղ Քորթնի Քարդաշյանը Instagram-ում իր հարյուր միլիոնը գերազանցող հետևորդների համար «սթորի» բաժնում Հայաստանում արված լուսանկարներ է հրապարակել։
«Հայաստանն օգնության կարիք ունի»,- գրել է նա։
Մյուս հրապարակման մեջ էլ նշված է, որ Արցախում հայերն ադրբեջանական հարձակման տակ են։
«Մենք պետք է համաշխարհային հանրությանը, լրագրողներին, մարդու իրավունքների պաշտպանության կազմակերպություններին և կառավարություններին զգուշացնենք անկանխատեսելի հարձակումների մասին։ Հայերի էթնիկ զտման վտանգ կա նրանց նախնյաց հայրենիք Արցախից»,- գրել է նա։
«Մենք փոփոխություն անելու ու մարդկության դեմ այս աճող հանցագործությունը կանգնեցնելու հնարավորություն ունենք։ Մենք պետք է մարդկանց կոչ անենք կապ հաստատել ԱՄՆ-ում իրենց ներկայացուցիչների հետ՝ դատապարտելու Ադրբեջանի և Թուրքիայի գործողությունները»,- նշել է Քորթնի Քարդաշյանը։
