«Կոմերսանտը» հայտնում է, որ ՌԴ օդային տրանսպորտի դաշնային գործակալությունը («Ռոսավիացիա») մինչև հուլիսի վերջ երկարաձգել է միջազգային չվերթների արգելքը՝ պայմանավորված կորոնավիրուսի համավարակով:
Դեռևս հունիսին «Ռոսավիացիայում» քննարկվում էր չվերթների մասնակի վերակագնումը հուլիսի 15-ից: «Մինչև 31.07.2020-ը արտասահմանցիների՝ Ռուսաստան մուտքի ժամանակավոր սահմանափակում է գործում»,- ասվում է համապատասխան որոշման մեջ, որն ուղղարկվել է բոլոր օդանավակայաններին:
S7 ավիաընկերությունից նույնպես հաստատել են արտասահմանյան չվերթների սահմանափակումների երկարաձգման մասին տեղեկությունը։
Նշվում է, որ սահմանափակումները վերաբերում են ոչ միայն դեպի Ռուսաստան, այլև ՌԴ-ից այլ ուղղություններով չվերթներին: