«Ինչպես ենթադրվում էր, ընտրություններից հետո Հայաստան ժամանած առաջին պաշտոնյան ադրբեջանցի էր»,- ասել է ՀՅԴ ԳՄ անդամ Իշխան Սաղաթելյանը՝ անդրադառնալով Ալիևի օգնական Հիքմեթ Հաջիևի այցին։
«Ընտրությունների արդյունքները պաշտոնապես դեռ չհրապարակված՝ Հայաստան է ժամանում Ալիևի օգնականը և Դիլիջանում հանդիպում Արցախում ծնված, մեծացած ԱԽ քարտուղարի հետ և պաշտոնական հայտարարություն տարածում, թե քննարկել են խաղաղության պայմանագիրը։ Հիշեցնում եմ՝ ընտրությունների արդյունքները պաշտոնապես դեռ չհրապարակված»,- ասել է Սաղաթելյանը։
Այցի հանրագումարում, ինչպես կանխատեսել է Սաղաթելյանը, Փաշինյանը կատարելու է Ադրբեջանի հերթական պահանջները, պարզապես հիմա ժամանակ է խնդրում՝ ազգային ընդդիմադիր ուժերի ներկայացուցիչներին ձերբակալելու համար, որպեսզի իրեն չխոչընդոտեն։
«Նրա ամբողջ նպատակն է ձերբակալություններով, ապօրինություններով երկրում ստեղծել նոր արհեստական օրակարգ և հանրության ուշադրությունը շեղել իրական՝ բուն օրակարգերից։ Բայց դու, Նիկոլ Փաշինյան, չունես ոչ լեգիտիմություն, ոչ էլ մանդատ՝ Ալիևին տված քո խոստումները կատարելու համար։ Սա լավ իմացիր»,- դիմելով Փաշինյանին՝ ասել է Սաղաթելյանը։
