Ռուսական RT հեռուստաալիքի գլխավոր խմբագիր Մարգարիտա Սիմոնյանն իր ինստագրամյան էջում հետևորդներին պատմել է երեխայի ծնունդի հետ կապված հայկական ավանդույթի մասին:
«Ըստ հայկական ավանդույթի՝ կյանքի առաջին քառասուն օրը նորածնին չի կարելի ոչ ոքի ցույց տալ, և Տիգրանը խստորեն պնդում է այդ կանոնի պահպանումը: Ինչը նրան չի խանգարել հավաքել այսօր բոլոր հարազատներին՝ ուտելու և երեխայի ծնունդը նշելու համար»,- գրել է Սիմոնյանը:
Նրա խոսքով՝ երեխայի ծնունդի առթիվ «հսկայական հայկական սեղան» է գցվել՝ հարազատների պատրաստած ուտեստներով՝ խաշլամա (զոքանչի կողմից), թաբուլե (մորաքրոջ), խորոված (եղբոր և հորեղբոր): Իր գրառմանը կից Սիմոնյանը գաթայի լուսանկար է հրապարակել:
Հիշեցնենք, որ Մարգարիտա Սիմոնյանի և կինոռեժիսոր Տիգրան Քեոսայանի ընտանիքում հոկտեմբերի 19-ին ծնվել է երրորդ երեխան, որին տվել են Մարո անունը:
Աղբյուր՝ Tert.am
