Վերջին 25 տարիների ընթացքում մամուլի ազատության համաշխարհային իրավիճակը երբեք այսքան ծանր չի եղել.ինչն արտացոլված է «Լրագրողներ առանց սահմանների» ֆրանսիական ոչ կառավարական կազմակերպության կողմից հինգշաբթի օրը հրապարակված «2026 թվականի մամուլի ազատության համաշխարհային ինդեքսի» գլխավոր եզրակացությունը։
Աշխարհի երկրների կեսից ավելին հայտնվել է ինդեքսի «անբարենպաստ» կամ «շատ անբարենպաստ» միջակայքում՝ 52.2%: 2002 թվականին, երբ RSF-ը առաջին անգամ սկսեց հրապարակել ինդեքսը, այս ցուցանիշը կազմում էր ընդամենը 13.7%:
Աշխարհում մամուլի ազատության վիճակը չափելու համար օգտագործվող հինգ ցուցանիշներից՝ տնտեսական, իրավական, անվտանգության, քաղաքական և սոցիալական, մամուլի ազատության իրավական ասպեկտները ամենաշատն են վատթարացել։
2026 թվականի հունվարի 1-ից ի վեր 13 լրագրող մահացել է իր պարտականությունները կատարելիս, 440 լրագրող և 34 լրատվամիջոցների աշխատակից գտնվում են բանտում։
Ռուսաստանը վարկանիշային աղյուսակում զբաղեցնում է 172-րդ տեղը (անցյալ տարի այն 171-րդն էր)։ Վերլուծված 180 երկրների շարքում Ռուսաստանը զբաղեցնում է վերջին տասնյակը՝ Ադրբեջանի, Թուրքմենստանի, Աֆղանստանի, Սաուդյան Արաբիայի, Չինաստանի, Հյուսիսային Կորեայի և Էրիթրեայի հետ միասին։
Ինչ վերաբերում է Հայաստանին, ապա 2025 թվականի համեմատությամբ 34 տեղով իջել է՝ 2026թ․-ին զբաղեցնելով 50-րդ տեղը։
Նշվում է նաև, որ Հայաստանում, չնայած բազմակարծիք միջավայրին, լրատվամիջոցները մնում են բևեռացված: Երկիրը բախվում է աննախադեպ մակարդակի ապատեղեկատվության և ատելության խոսքի, որը խթանվում է ներքին քաղաքական լարվածությամբ և դրան առնչվող անվտանգության խնդիրներով:
