«Ասել, որ սա անսպասելի որոշում եր, կարծում եմ, որ ոչ, քանի որ բազմիցս խոսացել ենք, որ այս գործընթացը դադարել է լինել իրավական, այլ գտնվում է բացարձակապես քաղաքական տիրույթում»,- ֆեյսբուքյան ուղիղ եթերում ասաց Սամվել Կարապետյանի պաշտպանական խորհրդի ներկայացուցիչ Լևոն Սարգիզովը՝ անդրադառնալով Վերաքննիչ հակակոռուպցիոն դատարանի որոշմանը, որով Սամվել Կարապետյանին թողեցին անազատության մեջ։
«Սա քաղաքական հետապնդման դասական օրինակ է։ Այն նշանակում է մեկ պարզ բան, որ պետք է տալ քաղաքական պատասխան այդ պատասխանը տալու է ժողովուրդը, նա ասելու է իր կարծիքը, այդ կարծիքը և որոշումը լինելու է հստակ, և դիպուկ։
Ազատություն բոլոր քաղբանտարկյալներին և դեպի ուժեղ Հայաստան՝ ապագա վարչապետ Սամվել Կարապետյանի հետ»,- ասաց Սարգիզովը։
