Irakanum.am-ի ունեցած հավաստի տեղեկություններով Պարեկային ծառայության արդեն նախկին ղեկավար Արթուր Խուդինյանը կնշանակվի Ներքին գործերի նախարար Արփինե Սարգսյանի օգնական։ Ավելի վաղ հայտնել էինք, որ Խուդինյանին էլ այդ պաշտոնում կփոխարինի Գեւորգ Զաքարյանը։
Նշենք, որ երեկ աշխատանքից ազատվել էին ՆԳՆ ոստիկանության ՔՈԳՎ պետ, ոստիկանապետի տեղակալ Վարդան Վարդանյանը, Պարեկային ծառայության պետ, ոստիկանապետի տեղակալ Արթուր Խուդինյանը, և ՀՈԳՎ պետ, ոստիկանապետի տեղակալ Կարեն Հակոբյանը:
Տեղեկությունների համաձայն ՆԳՆ Ոստիկանության ղեկավար կազմի պաշտոնանկությունները պայմանավորված են Հայաստանում վերջին օրերին տեղի ունեցած աղմկահարույց սպանություններով: Նման հրահանգ է տվել անձամբ Նիկոլ Փաշինյանը:
