Այսօր, մայիսի 13-ին, ժամը 17։35-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մեծ Այրում խոշորացված համայնքի բնակավայրերից Ճաճկանում և ևս մի քանի բնակավայրերում մոտ 5 րոպե տևողությամբ ուժեղ կարկուտ է տեղացել։
Կարկուտի հետևանքով վնասվել են ցանքատարածություններ, այգիներ, տների տանիքներ։ Դեպքի վայր են ժամանել ՀՀ ՆԳՆ Փրկարար ծառայություն Թումանյանի հրշեջ-փրկարարական ջոկատի փրկարարները։
Տուժել են հացահատիկի դաշտերը, բանջարաբոստանային մշակաբույսերը, ինչպես նաև մրգատու ծառեր։ Շատ գյուղացիներ, որոնք ողջ տարվա ընթացքում հույս էին դրել բերքի վրա, այսօր կանգնած են մեծ վնասների և անորոշության առջև։ Որոշ համայնքներում վնասների չափը կազմում է մինչև 70-80 %, ինչը լուրջ սոցիալ-տնտեսական հետևանքներ կարող է ունենալ»,- հայտնում է shamshyan.com-ը։
