Ռուս-վրացական սահմանին՝ «Վերին Լարս» անցակետի մոտ 300-ից ավելի հայկական բեռնատար է կանգնած, հայտնում է «Սպուտնիկ Արմենիա»-ն՝ հղում անելով Հյուսիսային Օսեթիայի ճանապարհային երթևեկության կազմակերպման կենտրոնին։
Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհը երեկ երեկոյան փակվել էր բեռնատարների համար, ապա նաև՝ մարդատար տրանսպորտի։
Ըստ վերջին տվյալների` անցակետը հատելու համար 1 000 տրանսպորտային միջոց է հերթագրված, որից 310-ը հայկական է։
