Այսօր Հայաստանի բոլոր մարզերում և Երևան քաղաքում նշվում է Քաղաքացու օրը: Օրն ուղեկցվում է տոնին նվիրված տարբեր միջոցառումներով:
Մայրաքաղաքի կենտրոնը վարդաշատ էր,ինչպես երբեք:Քաղաքացիները իրար հերթ չտալով փորձում էին տիրանալ իրենց բաժին վարդին:
Արդյո՞ք համաքաղաքացիները գիտեն օրվա խորհուրդը և արդյո՞ք իրենց այս տոնին արժանի են համարում, Armday.am-ը պարզել է անցորդների հետ զրույցում:
Նշենք, որ մարտի 21-ին Կառավարության նիստում հավանության արժանացավ «Տոների և հիշատակի օրերի մասին» օրենքում լրացում կատարելու մասին որոշման նախագիծը: Նախագծով առաջարկվում է ապրիլի վերջին շաբաթ օրը սահմանել Հայաստանի Հանրապետության քաղաքացու օր: Կրթության նախարար Արայիկ Հարությունյանն էլ հայտարարեց, որ նոր տոնը Անկախության տոնից հետո «երկրորդ ամենահիշարժան օրն է մեր նորանկախ պետության պատմության ընթացքում:
Ֆինանսների նախարար Ատոմ Ջանջուղազյանի առաջարկով՝ ապրիլի 18-ին կառավարության նիստում որոշվեց «Քաղաքացու օրվան» նվիրված միջոցառումների իրականացման նպատակով հատկացնել 124 միլիոն դրամ:
