Ընտրություններից առաջ ամեն անգամ նույն սցենարն է կրկնվում, իշխանությունը վախենում է պարտվելուց և սկսում է ընդդիմության ներկայացուցիչների ձերբակալությունները, լրագրողների հետ զրույցում ասաց «Ուժեղ Հայաստան» կուսակցության անդամ Արթուր Միքայելյանը՝ ընդգծելով՝ քաղաքական ռեպրեսիաներից իրենք չեն ընկճվում։
«Ինչ վերաբերում է Ստեփանավանի բնակիչների արձագանքին, վստահ եմ՝ նրանք իրենց պատասխանը կտան այս ամենին»,- ասաց Միքայելյանը։
Ստեփանավանի՝ «Ուժեղ Հայաստան»-ի համայնքապետի թեկնածուին առաջադրված «ընտրակաշառքի» մեղադրանքը Միքայելյանն անհեթեթեթություն որակեց․
«Տեսանյութում պատկերված անձինք ավագանու անդամներ և կուսակցության անդամներ են։ Ինչպե՞ս կարող է մարդն ընտրակաշառք տալ իր կուսակցության ավագանու անդամին՝ ինքն իր օգտին քվեարկելու համար, այս ամենը աբսուրդի ժանրից է»։
