«Ինչպես ենթադրվում էր՝ կառավարության 2026-2031 ծրագիրը, Երրորդ Հանրապետությունը վերջնականապես կազմաքանդելու, Արցախի բռնազավթումը լեգիտիմացնելու, Թուրքիայի ու Ադրբեջանի պահանջով արհեստածին, ինքնությունից զուրկ պետություն ստեղծելու մասին է»,- այս մասին գրել է ՀՅԴ ԳՄ ներկայացուցիչ, ԱԺ «Հայաստան» խմբակցության պատգամավոր Իշպան Սաղաթելյանը։
Հիշեցնենք՝ Նիկոլ Փաշինյանն այսօր ԱԺ-ում ներկայացնում է նոր կառավարության ծրագիրը։ Նա մասնավորապես հայտարարել է. «Այսպիսով կարող ենք ասել, որ 4-րդ Հանրապետությունը հիմնադրված է , 4-րդ Հանրապետությունը իրականություն է։Նոր Սահմանադրության մեջ Անկախության հռչակագրին հղում չպետք է լինի։ Ինչո՞ւ։ Մի պարզ պատճառով։ Մենք հայտարարել ենք Ղարաբաղի շարժումը չշարունակելու, ավարտելու անհրաժետության և որոշման մասին, կայացրել ենք այդ որոշումը, ժողովուրդն այդ որոշումը հաստատել է։ Նոր Սահմանադրության մեջ հղում անել Անկախության հռչակագրին կնշանակի շարունակել Ղարաբաղի շարժումը, վերադառնալ կոնֆլիկտի տրամաբանությանը»։
