«Օզոն»-ի հայաստանյան ներկայացուցչության ղեկավարը մեկնաբանել է հայաստանյան առևտրային ընկերությունների վաճառքները դադարեցման մասին լուրերը։
Ըստ պարզաբանման` իրավիճակը պայմանավորված է Ռուսաստան ներմուծվող ապրանքների մաքսային ձևակերպման պահանջների փոփոխությամբ, որի հետևանքով առաջացել են ժամանակավոր դժվարություններ ՀՀ–ից ապրանքների առաքման գործընթացում։
«Առաքման ուշացումների պատճառով պատվերների չեղարկումներից խուսափելու համար մենք ժամանակավորապես սահմանափակել ենք այդ ապրանքների տեսանելիությունը ՌԴ հաճախորդների համար։ Միևնույն ժամանակ, Ռուսաստանի «Օզոն»-ի պահեստներում գտնվող հայ ձեռնարկատերերի բոլոր ապրանքները շարունակում են վաճառվել առանց սահմանափակումների։ Հայաստանի ներսում նույնպես վաճառքը շարունակվում է ամբողջ ծավալով. հաճախորդները տեսնում են բոլոր ապրանքները»,-գրել է «Օզոն»-ի հայաստանյան ներկայացուցչության ղեկավարը։
