Բագրատ Սրբազանի փաստաբաններն այսօր ասուլիսի ընթացքում ցուցադրեցին Սրբազանի կեցավայրից խուզարկության կադրեր։ Տեսանյությում նշվում է, որ հայտնաբերվել է գծագրության թուղթ, որի վրա առկա են անգլերեն տառերով գրառումներ, «հավանաբար երկրի ներսում հեղափոխության վերաբերյալ»։ Խուզարկությանը ներկա Բագրատ Սրբազանն ասում է՝ կստուգեն ու կտեսնեն, որ իր ձեռագիրը չէ։
«Փաստաթուղթ է հայտնաբերվել՝ «հայ ժողովրդի ազգային գաղափախոսության» հիմնադրություններ, երեք թերթից բաղկացած փասաթուղթ է, նշված են նպատակներ, բանաձևեր, հռչակվող արժեքներ, որոնք նույնպս վերցվում են»,- ասում է քննիչը։
«Ինչ ապրանք տեսնում ենք այստեղ, չարիք իշխանության տապալմանն է միտված»,- նշում է Բագրատ Սրբազանը։
«Ըստ մասնակցի հայտարարության՝ հայտնաբերված իրերը ձեռք են բերվել ու պահվել են իշխանափոխության նպատակով»,- ասում է քննիչը։
Քննիչը փաստաթղթերից մեկի վրայի գրառումն է ընթերցում, Բագրատ Սրբազանն ասում է, որ դա երազների վերաբերյալ գրառումներ են։
«Քանի որ վարույթի համար նշանակություն ունեցող գրառումներ են, այդ գրառմամբ նոթատետրը նույնպես վերցում է»,- նշում է քննիչը։
Փաստաբան Տաթև Սողոյանը մանրամասնեց. «Սրբազան պայքարի համակիրներից մեկը երազ է տեսել, գրի է առել, փոխանցել է Սրբազանին։ Դա է կարդացել քննիչը»։
Փաստաբան Հովհաննես Խուդոյանն ասաց, որ այդ թուղթն էլ կցված է գործին, չգիտեն՝ կուզեն հետազոտել, թե ոչ։
