Իմ և Հակոբ Ասլանյանի կուսակցությունը` ՄԱՍԿ-ը, Պետական ռեգիստրի գործակալության կողմից երեկ գրանցվել է, այս մասին Aysor.am-ին ասել է Հովիկ Աղազարյանը։
Աղազարյանը նաև տեղեկացրել է՝ ընտրություններին մասնակցելու որոշում ունեն, ձևաչափը պետք է քննարկեն Հակոբ Ասլանյանի հետ։
«Դա էլ մինչև մարտի 15-ը կհստակեցնենք։ Այսօրվա քաղաքական իրավիճակը, ցավոք, մեզ լավատեսություն չի ներշնչում։ Մենք համոզված ենք, որ մեր համեստ հնարավորություններով պետք է ամեն ինչ անենք՝ իրավիճակը փոխելու համար»,-նշել է Աղազարյանը։
Թե ով է լինելու վարչապետի իրենց թեկնածուն՝ դա էլ կասեն մինչև մարտի 15-ը։
