Բաքվի դատարանում Արցախի ռազմաքաղաքական ղեկավարների հերթական շինծու «դատական նիստն» է կայացել:
Ադրբեջանական լրատվամիջոցները հաղորդում են, որ այսօր «տուժածները» խոսել են 44-օրյա պատերազմի իրադարձությունների մասին։
Ադրբեջանը ներկայացրել է Գանձակի հրթիռակոծումը՝ նշելով, թե դրանում, իբր, ներգրավված են եղել ՀՀ ԶՈՒ որոշ զինծառայողներ։
Բաքուն նաև դատական ֆարսի ժամանակ հայտարարել է, թե հրթիռային հարվածի հետևանքով, իբր, սպանվել է 10 քաղաքացիական անձ։
Հաջորդ «նիստը» տեղի կունենա հունիսի 2-ին։
