«Ներկայումս նկատվում է պարտադիր զինվորական կամ այլընտրանքային ծառայության զորակոչից և վարժական հավաքներից խուսափելու դեպքերի աճ»,-ԱԺ-ում հայտարարեց արդադարադատության նախարարի տեղակալ Գևորգ Քոչարյանը՝ ներկայացնելով Քրեական օրենսգրքում կատարվող փոփոխությունը։
Փոխնախարարի տեղեկացմամբ՝ 2023 թվականի ընթացքում Քրեական օրենսգրքի 461-րդ և 462-րդ հոդվածներով նախաձեռնվելէ 1499 քրեական վարույթ, իսկ 2024 թվականին՝ 1779-ը, ինչը, ըստ նրա, խոսում է նման արաքը կատարողների նկատմամբ պատժողական ավելի խիստ քաղաքականություն վարելու անհրաժեշտության մասին։
«Նախագծով նախատեսվում է խստացնել ՔՕ 461-րդ և 462-րդ հոդվածների առաջին մասով նախանշված արարքների համար քրեկան պատասխանատվությունը. զինվորական ծառայությունից խուսափելու հոդվածում՝ 461-ում սահմանված 2-5 տարի ազատազրկման պատիժը փոխարինել 3-6 տարի ժամկետով ազատազրկման, իսկ 462-րդ հոդվածով նախատեսված վարժական հավաքներից խուսափելու դեպքում տուգանք սանկցիան առավելագույն 20-ապատաիկը փոխարինել 15-30-ապատիկի չափով, իսկ ազատազրկումը առավելագույնը 2 տարին փոխարինել 1-3 տարի ժամկետով»,-հայտնեց Գևորգ Քոչարյանը։
«Հայաստան» խմբակցության պատգամավոր Գեղամ Մանուկյանը նշեց, որ օրենքով «Azdarar.am» կայքում նախատեսված է, որ պետք է հրապարակվի զորակոչի կամ վարժական հավաքի հայտարարության մասին ծանուցումը, բայց այն չի արվում։
«Քաղաքացին «Azdarar.am»-ով տեղյակ չի լինում, բայց օրենքով պատասխանատվության պետք է ենթարկվի»,-հարցրեց Գեղամ Մանուկյանը։
Գևորգ Քոչարյանը վստահեցրեց, որ եթե ծանուցված չեն, ուրեմը քրեական պատասխանատվության չեն ենթարկվում։
«Ձեր բերած օրինագծով խստացումը կարևոր է, բայց այն մեխանիզմները, որոնք օրենքի խստացման հետ պետք է լինեն, ամբոջական գործուն չեն»,-արձագանքեց Մանուկյանը։
