Այսօր տեղի է ունեցել Թուրքիայի հետ սահմանամերձ Հայկաձոր բնակավայրի չեզոք գոտում գտնվող Կարմիր վանքի` Սուրբ Գրիգոր Լուսավորիչ եկեղեցու, նոր խաչի օծման արարողությունը։
Խաչն օծվել է Շիրակի թեմի առաջնորդ Միքայել արքեպիսկոպոս Աջապահյանի ձեռամբ, որից հետո հայկաձորցիների ջանքերով այն տեղադրվել է վանքի գմբեթին։
Խաչից եկեղեցին զրկվել էր դեռ 2015 թվականին՝ ուժեղ քամու հետևանքով։
Ըստ արձանագրության, եկեղեցու կառուցման նախաձեռնողը եղել է Հոռոմոս վանքի առաջնորդ Սարգիս եպիսկոպոսը: Կառուցել է Սամեհան ճարտարապետը՝ 980-985 թթ։
Եկեղեցու խաչի օծման արարողությանը ներկա են եղել նաև Շիրակի մարզային իշխանության ներկակացուցիչները։
