Արևմտյան շոու բիզնեսի ամենահայտնի զույգերից մեկը՝ երգչուհի, դերասանուհի, պարուհի Ջենիֆեր Լոպեսն ու ամուսինը՝ դերասան, պրոդյուսեր Բեն Աֆլեքը, հուլիսին պաշտոնապես ամուսնանալուց հետո առաջին անգամ միասին ներկայացել են կարմիր գորգի վրա, գրում է Daily Mail-ը:
53-ամյա Լոպեսն ու 50-ամյա Աֆլեքը մասնակցել են ֆրանսիական հեղինակավոր Ralph Lauren նորաձևության տան Spring 2023 Fashion Experience միջոցառմանը, որը կայացել է Կալիֆոռնիայի Սան Մարինո քաղաքում:
Հատուկ այս առիթի համար ամուսիններն ընտրել են ոտքից գլուխ սևազգեստ լուքեր: Լոպեսը կրել է խորը լանջաբացվածքով երկարափեշ զգեստ, գլխարկ և բարձրակրունկներ, իսկ Աֆլեքը՝ էլեգանտ կոստյում:
