«Այսօր այն օրն է, երբ ուղիղ մեկ տարի առաջ, հայ ժողովրդի թշնամու որոշմամբ, հայ ժողովրդի թշնամական ուժերը զավթեցին Քարվաճառի շրջանը:
Ի դեպ ասեմ, որ նոյեմբերի 9-ի կապիտուլյացիոն հայտարարությամբ նախատեսված էր, որ դա պետք է լինի նոյեմբերի 15-ին, բայց ամսաթվերի խորհուրդը պահել սիրող մարդը որոշեց, որ դա պետք է լինի Քարվաճառը ազատագրողի, ազգային հերոսի ծննդյան օրը»,- այս մասին, ԳԱԼԱ-ի փոխանցմամբ, խորհրդարանական լսումների ժամանակ հայտարարեց ՍԴ աշխատակազմի նախկին ղեկավար էդգար Ղազարյանը:
«Ես կարծում եմ, որ այն հարցերը, որոնք դրված են այսօրվա օրակարգում և այն հայտարարության տեքստը, որը ներկայացվել է, հնարավոր չէ սպառել 4 ժամվա քննարկումների արդյունքում: Ես չեմ կարող ինձ իրավունք վերապահել նախաձեռնություն վերցնել իմ ձեռքը, բայց կարող եմ առաջարկել նախաձեռնության հեղինակներին, որ այս քննարկումը դարձնենք 24 ժամ տևողությամբ:
Վաղը Ռուսաստանում կարևոր հանդիպում է նախատեսված, և միգուցե ավանդույթի համաձայն, ռուսական սանիտարահիգիենիկ ծառայություններն այսօր բավականին մեծ նախապատրաստական աշխատանք ունեն իրականացնելու:
Ես կարծում եմ, որ Նիկոլ Փաշինյանը օդանավակայանից պետք է ԱԺ գա և այստեղ հանրությանը ներկայացնի իր բոլոր գործողությունները՝ ոչ միայն կատարված, այլ նաև պլանավորվող, և դրան պետք է հաջորդի նրա հրաժարականը»,- հայտարարեց էդգար Ղազարյանը: