Դեմքի պիլլինգը վերջին շրջանում նորաձեւ է աղջիկների շրջանում։ Շատերը հաճախ են դիմում պիլլինգի՝ ցանկանալով երիտասարդ եւ գեղեցիկ տեսք ունենալ։ Սակայն անհրաժեշտ է իմանալ, որ պիլլինգի համար հակացուցումներ կան։ Ահա, թե որոնք են դրանք։
Խիստ վտանգավոր է չափազանց հաճախակի պիլլինգ անելը։ Քիմիական նյութերը կարող են վնաս հասցնել մաշկին։
Վտանգավոր է պիլլինգի դիմել, եթե ձեր մաշկը չափազանց չոր է, գրգռված, թեփոտվում է։ Սրանք մաշկի հիվանդության նշաններ են, եւ պիլլինգի փոխարեն անհրաժեշտ է բժշկի դիմել։
Պզուկների, թարախային ցանի առկայության պարագայում եւս պիլլինգը հակացուցված է։
Պիլլինգը հակացուցված է նաեւ հիպերպիգմենտացիայի դեպքում։ Եթե դեմքին չափազանց շատ պիգմենտներ կան, ապա պիլլինգ անելը կարող է վնասել։ Նման պարագայում կրկին պետք է դիմել բժշկի, հասկանալ հիպերպիգմենտացիայի պատճառը, նոր միայն մաշկի խնամքի դիմել։
Պիլլինգ անելուց առաջ պետք է իմանալ, թե ինչի նկատմամբ կարող եք ալերգիկ ռեակցիա ունենալ, նոր միայն դիմել պիլլինգի։ Իսկ եթե ընդհանրապես ալերգիկ եք, անհրաժեշտ է հնարավորինս խուսափել պիլլինգից։
Աղբյուր՝ Բուժ ինֆո
