«360» հեռուստաալիքի Youtube-ի էջում հայտնվել է Նիժնի Նովգորոդում՝ դպրոցի մոտակայքում հայերի ուղղությամբ կատարված հրաձգության վայրից տեսանյութը: Ավելի վաղ ՏԱՍՍ-ը հաղորդել էր Նիժնի Նովգորոդում՝ № 121 դպրոցի մոտ, հայերի վրա կրակած անձանցից 4-ի ձերբակալման մասին:
Կատարվածի կապակցությամբ ստուգում է կատարվում, որի արդյունքներով դատավարական որոշում կընդունվի:
Ավելի վաղ «360»-ը հաղորդել էր, որ Նիժնի Նովգորոդում անհայտ անձինք մեքենայից կրակել են հայ զույգի վրա: Տղամարդը վիրավորվել էր ուսից:
NN.RU -ի թղթակիցը կարողացել էր Ռոսգվարդիայի ներկայացուցչից մեկնաբանություն ստանալ, որը հայտնել է, որ հրաձգության կասկածյալները ձերբակալվել են:
MK-ն, ուժային կառույցներին վկայակոչելով, հաղորդում է, որ նախնական տվյալներով Նիժնի Նովգորոդում՝ №121 դպրոցի մոտ հրաձգությունը քրեական վիճաբանություն է եղել:
