Սա մի կաթիլ մեղրի պատմությունը կամ փչացած հեռախոսի պատմությունն է հիշեցնում և կարծում եմ, որ խնդիրը բառերի ընտրության հետ է կապված: Անդրադառնալով ՀՀ մշակույթի նախարարության ՊՈԱԿ-ների գործունեության վերլուծությանը վերաբերող տեղեկանքի շուրջ առաջացած աղմուկին՝ այսօր լրագրողների հետ հանդիպմանն ասաց ՀՀ մշակույթի նախարարի պարտականությունները կատարող Նազենի Ղարիբյանը:
«Խոսքը Կառավարության հանձնարարականների մասին է և այդպիսի առաջադրանք ստանում ենք գրեթե ամեն օր: Հանձնարարական ստացվել էր ուսումնասիրելու, վերլուծելու ՊՈԱԿ-ների գործունեության դաշտը, թե ինչպիսին է ՊՈԱԿ-ների վիճակը և տալ առաջարկություն՝ օպտիմալացման շրջանակներում»,-ասաց նա :
Ղարիբյանը նշեց, որ խոսքը սևագիր տեղեկանքի մասին է և այն փուլում չէ, որ մենք հրավիրեինք բոլոր տնօրեններին:
«Այդ թուղթը մեզ համար առաջին վերլուծություն է, որի արդյունքն ուղարկվել է կառավարություն, բայց դա չի նշանակում, որ կառավարությունը պետք է ընդունի այն»,-ասաց նա:
?
