Այն, որ Միջին Ասիայում Ալիևի հետ հպանցիկ հաղորդակցումից հետո սահմանում իրավիճակն ինչ-որ չափով խաղաղվել է, բացատրություն է պահանջում: Այս մասին լրագրողների հետ հանդիպմանն ասաց քաղաքագետ Ալեքսանդր Մանասյանը:
«Դա բացատրվում է նրանով, որ իբրև Աիևը զգում է ԵԱՀԿ Մինսկի և Եվրոմիության երկրների և խոշոր երկրների ճնշումները և դրա համար էլ գնացել է այդ քայլին: Բայց պետք է նշել, որ արդեն քանի տարի է, Ալիևի վրա ոչ մի բան էլ չի ազդում»,-ասաց նա::
Քաղաքագետի խոսքով՝Ալիևը ձևավորել է իրենից կատաղի տրամադրություն ունեցող ներքին լսարան և նրա համար այդպիսի քայլի գնալը նրա համար նույնիսկ վտանգավոր է: Ստացվում է, որ ոչ ներքին, ոչ արտաքին ճնշումների արդյունք չէ:
«Իմ վարկածն այն է, որ Ալիևը գիտի, որ Նիկոլ Փաշինյանը Լևոն Տեր-Պետրոսյանի մարդն է, նրա դպրոցի շրջանավարտն է և քանի որ առաջին նախագահը և՛ այն ժամանակ, և՛ դրանից հետո և՛ գրեթե երկու տասնամյակ հետո ասում է, որ մենք պետք է Ղարաբաղը հանձնենք ադրբեջանին, Ալիևը հույսեր է տածում, թե նոր ղեկավարությունը կլսի առաջին նախագահին: Որպեսզի այդ քաղաքականությունը նոր ղեկավարությունը տանի, նրան պետք է հնարավորություն տալ, որն իբրև պատրաստ են խաղաղության, ինչը արվում է. թվացյալ մեղմացվում է իրավիճակը սահմանին, որպեսզի հնարավոր լինի այդ քայլերին գնալ»,-շնեց քաղաքագետը:
Մանասյանը շեշտեց, որ Ալիևը հույս ունի, որ մի մարդ է եկել իշխանության, ով Արցախը զիջելու է:
