ՀՀ վարչապետ Նիկոլ Փաշինյանի շնորհիվ Հայաստանը դարձել է համարյա չեղած հաշիվ ՀԱՊԿ-ում, այսօր լրագրողների հետ հանդիպմանն ասաց ՀՀԿ խոսնակ Էդուարդ Շարմազանովը։
«Հայ-ռուսական հարաբերությունների մասին խոսում էր Փաշինյանը, որ երբեք այսքան փայլուն չէր եղել, ես էլ մտածում էի, որ գազը ոչ թե պետք է թանակա, այլ էժանանա. ի՞նչ եղավ՝ գազը թանկացավ, սա՞ էր փայլունը», - ասաց նա։
Շարմազանովի խոսքով՝ Փաշինյանը պետք է հասկանա, որ դիվանագիտության մեջ պատահական բառեր չեն օգտագործում
«Ես իրեն կոնկրետ հարց եմ տալիս` ասում էիք ԵԱՏՄ մտնելը սխալ է, բա որ սխալ էր, ինչի՞ եք հիմա այդ սխալը կրկնում: Փաշինյանի հպարտությունը թույլ չի տալիս ընդունել, որ ԵԱՏՄ մտնելը ճիշտ էր: Չի կարելի սեփական եսը պետության շահից բարձր դասելը», - նշեց ՀՀԿ խոսնակը։
