Հավաքական անվտանգության պայմանագրի կազմակերպության պետությունների ղեկավարներին կներկայացվի մի նախագիծ, որով Հայաստանը կզրկվի կազմակերպության մարմիններում քվեարկության իրավունքից՝ չվճարված վճարների պատճառով, հայտարարել է Ռուսաստանի արտաքին գործերի նախարար Սերգեյ Լավրովը։
«Կառուցողական քննարկումներից բացի, մենք ստիպված էինք քննարկել նաև Հայաստանի կողմից ՀԱՊԿ կանոնադրությամբ ստանձնած պարտավորությունների չկատարման հարցը՝ մեր համատեղ կազմակերպության բյուջե տարեկան մուծումների վերաբերյալ», - ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստից հետո ասել է նա։
Լավրովը նշել է, որ այս հարցում երկիմաստության տեղ չի կարող լինել։
«Երևանը երկու տարուց ավելի է՝ չի վճարել իր անդամակցության վճարները։ Հետևաբար, բարձրացվել է ՀԱՊԿ կանոնադրության 25-րդ հոդվածի դրույթները Հայաստանի Հանրապետության նկատմամբ կիրառելու հարցը։ Որոշման նախագիծը նախատեսում է կազմակերպության մարմիններում քվոտային պաշտոններ առաջադրելու ՀՀ քաղաքացիների իրավունքի կասեցում և քվեարկության իրավունքից զրկում մինչև պարտքերի լրիվ մարումը։ Այս որոշման նախագիծը նույնպես կքննարկվի վաղը Հավաքական անվտանգության խորհրդի նիստում», - եզրափակել է Ռուսաստանի արտաքին գործերի նախարարը։
