Մասիսի արդեն նախկին քաղաքապետ Դավիթ Համբարձումյանը 50 օր է՝ ճաղերի հետևում է, հիշեցրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը։
«Դավիթը մեղավոր չէ, որ ունի հարգանք, պատիվ, հեղինակություն և վայելում է մեր շատ քաղաքացիների և հատկապես Մասիս խոշորացված համայնքի բնակիչների բարձր վստահությունը:
Իշխանությունը չհանդուրժեց Դավիթից անընդհատ կրող պարտությունները, ինչպես նաև` նրա աճող ազդեցությունը:
Ազատությո՛ւն Դավիթ Համբարձումյանին և մեր բոլոր քաղբանտարկյալներին»,- սոցցանցի իր էջում գրել է Աբրահամյանը։
