«Հայաստան» խմբակցության պատգամավոր Գառնիկ Դանիելյանի կարծիքով՝ իրավական ամբողջ համակարգը ուշադրության տակ է, և շատ քիչ դատավորներ կան, որոնք պատրաստ են անկախ որոշումներ կայացնել։
«Դա չի նշանակում, որ չպետք է պայքարենք և այս ակցիան էլ դրա առհավատչյան է, որ մեր հասարակության տարբեր շերտերից պետք է միավորվեն այն մարդիկ, որոնք այս ընթացքում «ծառերի հետևից» խոսում էին անարդարության մասին։ Սա լավագույն շանսն է։ Պետք է ժողովրդական ճնշում լինի, և այս իշխանությունը հասկանա, որ ինքը չի որոշելու մեր ժողովրդի ապագան, ինքը չի որոշելու՝ ով պետք է նստի, իսկ ով՝ ոչ։ Իրավական համակարգը պետք է ազատ ու անկախ գործի, որը ՀՀ-ում չկա։ Այն գործում է sms հաղորդագրություններով»,-ասաց Դանիելյանը։
