Բագրատ Սրբազանի և մյուսների գործով մեղադրյալներից երկուսի խափանման միջոց կալանքը դատարանի որոշմամբ փոխարինվեց տնային կալանքով։
Դատավոր Կարեն Ֆարխոյանի որոշմամբ՝ մեղադրյալներ Արմեն Ալեքսանյանի և Արսեն Ղազարյանի նկատմամբ կիրառվեցին այլընտրանքային խափանման միջոցներ՝ 3 ամիս ժամկետով տնային կալանք և բացակայելու արգելք։
Դատավորը նշեց՝ կիրառված խափանման միջոց կալանքի ժամկետը լրանալուց հետո՝ նոյեմբերի 26-ից սկսած՝ որպես խափանման միջոց կիրառել տնային կալանքը՝ համակցված բացակայելու արգելքի հետ։
Նշվեց, որ շաբաթը մեկ անգամ պետք է գրանցվեն պրոբացիայի ծառայությունում և բնակության վայրը չփոխեն։
Հիշեցնենք, որ դատարանի որոշմամբ՝ զոհվածի հայր Արա Ռոստոմյանի նկատմամբ կիրառվեց բացակայելու արգելք ու վարչական հսկողություն, վերացվեց տնային կալանքը:
