«Խաղային լիգա» ֆուտզալի առաջնություն կանցկացվի. «Հայաստան-Արցախ» ՀԵՄ-ի հայտարարությունը

«Հայաստան-Արցախ» ՀԵՄ-ը «Խաղային լիգա» ֆուտզալի առաջնության մասին հայտարարություն է տարածել՝ նշելով, որ «Հայաստան-Արցախ» երիտասարդական միությունը շարունակում է իր ակտիվ գործունեությունը՝ լայն թափով, նոր ուժերով եւ նոր ծրագրերով։

Հայտարարության մեջ մասնավորապես ասվում է. ««Հայտարարում ենք երիտասարդների կողմից առաջարկած ֆուտզալի առաջնության համար գրանցումների մեկնարի մասին։

Առաջնությանը կարող են մասնակցել բոլոր երիտասարդները, սկսած 18 տարեկանից, ձևավորելով 8 հոգուց բաղկացած թիմեր։

Այն երիտասարդներն, ովքեր կգրանցվեն որպես անհատներ՝ կներգրավվեն վիճակահանությամբ ձևավորված թիմերում: Յուրաքանչյուր թիմ պետք է ունենա թիմի ավագ։

Խաղի մասնակցության համար կարող են գրանցվել նաեւ աղջիկներ, քանի որ առանձին առաջնություն կանցկացվի նաեւ աղջիկներից կազմված թիմերի համար։

. Խաղերը տեղի կունենան միայն շաբաթ եւ կիրակի օրերին

. Մասնակցությունը հնարավորություն կտա անցկացնել հետաքրքիր ժամանց, բարելավվել սպորտային մարզավիճակը, ձեռք բերել նոր ընկերներ և թիմային փորձ։

. Հաղթող թիմը կպարգևատրվի հատուկ մրցանակով։

Եթե սիրում ես ֆուտբոլ և ուզում ես լինել այս մրցաշարի մասնակից, ապա հավաքիր քո թիմը ( կամ միացիր որպես անհատ) և գրանցվիր։

Գրանցումները բաց են մինչև սեպտեմբերի 5-ը։

Ծրագիրն իրականացվում է՝ «Գագիկ Ծառուկյան» բարեգործական հիմնադրամի աջակցությամբ

Հավելյալ տեղեկությունների և գրանցման համար զանգահարել՝ 098-917-008, կամ գրել անձնական նամակ»։