«Սա վերաբերմունք է անցյալի, վերաբերմունք է հիշողության, նահատակների հիշատակի նկատմամբ, որն այսօրվա կառավարությունը չունի, և՝ պարզ պատճառով»,-Ծիծեռնակաբերդի հուշահամալիրի դիմաց իրականացվող իրազեկման ակցիայի ժամանակ ասաց Հայոց ցեղասպանության թանգարան-ինստիտուտի նախկին տնօերեն Հայկ Դեմոյանը։
Նրա խոսքով, գործող իշխանություններն սեփական հայտարարություններով ասում են, թե ինչպես են վերաբերում Ցեղասպալնության հիշողությանը։
«Ցանկանում եմ կոչով դիմել հայ ժողովրդին, Սփյուռքին, որ յուրաքանչյուր հայի համար կատարվողին կրավորական չլինի, ասեն՝ դե լավ էլի։ Այ էդ «դե լավ էլին» նշանակում է, որ նրանք վաճառել են իրենց անցյալը ներկան, իրանց երեխաների ապագան»,-ասաց Դեմոյանը։
Հուշահամալիրում շրջայցի ժամանակ նա նշեց, որ դեմ չեն վերանորոգմանը, բայց այն վերաբերում է մի քանի սալաքարերին՝ հուշահամալիրի ներսի հատվածում, որոնք հնարավոր է փոխել չքանդելով ողջ հուշահամալիրը։
Հայոց ցեղասպանության Թանգարան-ինստիտուտի նախկին տնօրենը մտահոգություն հայտնեց, որ եթե այդ աշխատանքներն շարունակվեն, հուշահամալիրը շուտով կփակվի այցելուների համար, ինչը գործող իշխանությունները միտումնավոր են անում՝ Ցեղասպանության նկատմամբ իրենց պրոթուրքական մոտեցումների համատեքստում։
Հայտարարելով, որ իրեն իրավունք չի վերապահում Ծիծեռնակաբերդի հուշահամալիրի միանձնյա պաշտպանը հանդես գալ՝ Դեմոյանը նշեց, որ այն պետք է հավասարապես բաշխվի յուրաքանչյուր հայի վրա։
«Այսօր արդեն եկել Ծիծեռնակաբարդն են ավերում... Սա հուզական հայտարարություն չէ, քաղաքական ձևակերպում չէ, այլ արձանագրում է այն ամեն ինչի, ինչը որ մենք տեսանք»,- հայտարարեց Թանգարանի նախկին տնօրենը՝ նկատելով որ Հայ ժողովրդի թիվ մեկ հուշահամալիրը վերանորուգում են հայերենին չտիրապետող աշխատանքային միգրանտները, անթուլատրելի աշխատանքային գործիքներով և ծանր տեխնիկայով վնասելով ողջ հուշահամալիրը։
Դեմոյանը նշեց, որ եթե շինարարությունը չկանգնեցնեն, ապա նույն ձևով քանդելու են աշխատանքային միգրանտների միջոցով, որոնց համար ցեղասպանության հուշահամալիրը սովորական քար է, որը հրամայված է ջարդել։
«Մենք եկել ենք այս կետին՝ արդեն հավերժական կրակն ենք պաշտպանում սրանցից»,-հայտարարեց Հայկ Դեմոյանը։
