Սեպտեմբերի 1-ից վարելու իրավունք ունեցող անձինք վարորդական պլաստիկ վկայականն իրենց մոտ պահելու պարտականություն այլևս չեն ունենա: Այդ մասին հայտնում են ՆԳՆ-ից:
Հիշեցնենք, որ ԱԺ-ում նախագիծը ներկայացնելիս ՆԳ նախարար Արփինե Սարգսյանը պարզաբանել էր՝ եթե պարեկներն արձանագրեն ճանապարհային երթևեկության որևէ կանոնի խախտում, և եթե անձն այդ պահին չունի պլաստիկ վկայական, բայց ունենա թվային տարբերակով վկայական, ապա վարորդը վարչական պատասխանատվության չի ենթարկվի:
