Թուրքիայի նախագահի հետ հանդիպումից իմ տպավորությունները դրական են, լրագրողների հետ հանդիպմանն ասաց վարչապետ Նիկոլ Փաշինյանը։
«Ես Թուրքիա գնացել էի ոչ թե հայ-թուրքական օրակարգով, այլ ՀՀ-Թուրքիա հարաբերությունների օրակարգով։ Սա շատ կարևոր նրբություն է։ Իհարկե, ես Թուրքիայի նախագահին շնորհակալություն եմ հայտնել հրավերի, բաց ու անկեղծ խոսակցության համար։
Մենք քննարկել ենք բոլոր հարցերը՝ կոմունիկացիաների բացման, հարաբերությունների հաստատման, տարբեր ոլորտներում հնարավոր գործակցության, Անիի պատմական կամրջի վերականգնման և այլ հարցեր։ Ընդհանուր տպավորություններս եղել են դրական, ես չեմ կարող որևէ նեգատիվ նյուանս նշել այդ հանդիպման մասին»,-ասաց Փաշինյանը։
