Թուրքիայում նախագահական ընտրությունների ընտրատեղամասերն ավարտել են իրենց աշխատանքը, հայտնում է ՏԱՍՍ-ը։
Քվեարկության ավարտից հետո Թուրքիայի Գերագույն ընտրական խորհուրդն անմիջապես կսկսի ձայների հաշվարկը։
Թուրքիայի գործող նախագահ Էրդողանը ավանդաբար քվեարկել է Ստամբուլում, իսկ նրա մրցակից ընդդիմադիր թեկնածու Քըլըչդարօղլուն՝ Անկարայում։
Երկրորդ փուլում հաղթելու համար թեկնածուին անհրաժեշտ է հավաքել ձայների 50%-ից ավելին։
Էրդողանը հորդորել է իր կողմնակիցներին «հսկել քվեատուփերը», քանի դեռ չեն ամփոփվել նախագահական ընտրությունների երկրորդ փուլի արդյունքները։
