Մեկնարկել է ՀՀԿ գործադիր մարմնի նիստը:
Նիստը վարում է ՀՀԿ առաջնորդ Սերժ Սարգսյանը:
Գործադիր մարմնի նիստին հաջորդելու է կուսակցության խորհրդի նիստը, որի ընթացքում կհաստատվի խորհրդի նոր կազմը: Նախատեսվում է, որ խորհրդի նիստի ընթացքում կհստակեցվեն Ազգային ժողովի առաջիկա ընտրությունների համամասնական և տարածքային ցուցակները: Ենթադրվում է, որ այսօր հայտնի կդառնա նաեւ կուսակցության նախընտրական շտաբի պետի անունը:
Նշենք, որ կուսակցության գրասենյակ են ժամանում ՀՀԿ-ական գործիչները:
Նախկին պատգամավոր, գործարար Տիգրան Արզաքանցյանը դեռ որոշում չի կայացրել` մասնակցելու է առաջիկա խորհրդարանական ընտրություններին, թե ոչ:
ՀՀԿ խորհրդի նիստից առաջ լրագրողները գործարարից հետաքրքրվել են` եթե առաջարկ ստանա, կհամաձայնվի՞, նա պատասխանեց «Աղջիկ ջան, դու էս դարից չե՞ս»։
Այլ հարցերի Արզաքանցյանը չպատասխանեց:
