Իտալական Վենետիկի Մեծ ջրանցքում ամբոխի ծիծաղի և աղաղակների ներքո ծագումով գամբիացի 22-ամյա փախստական է խեղդվել: Այս մասին հաղորդում է The Independent-ը:
Աղբյուրը մանրամասնում է, որ խեղդվողին օգնելու համար ոչ ոք չի նետվել ջուրը, սակայն նրան մի քանի փրկօղակ են նետել, որոնցից նա չի օգտվել:
«Հիմար է: Մահանալ է ուզում», - գոռացել է միջադեպի ականատեսներից մեկը:
«Դեպի տուն լողա», - ասել է մյուսը:
Փրկարարները հայտնել են, որ չեն ցանկանում ոչ ոքի մեղադրել տղամարդու մահվան մեջ, սակայն նրան հնարավոր կլիներ փրկել, եթե ականատեսներից մեկն օգնության հասներ նրան:
Տեղական լրատվամիջոցները հայտնել են, որ մահացածն Աֆրիկայից ժամանել էր 2015 թվականին և փախստականի կարգավիճակ էր ստացել:
