Ուկրաինայի անվտանգության երաշխիքների մասին համաձայնագրի ստորագրումը հնարավոր է, եթե ռուսական զորքերը կվերադառնան 2022 թվականի փետրվարի 23-ի դրությամբ զբաղեցրած իրենց դիրքերը։ Այս մասին ՄԱԿ-ի Անվտանգության խորհրդի նիստում հայտարարել է Ուկրաինայի մշտական ներկայացուցիչ Սերգեյ Կիսլիցան։
Նրա խոսքով՝ հրադադարի հաստատումն ու լարվածության թուլացումը շուտ չի լինի։ «Ստամբուլի բանակցությունները ցույց տվեցին, որ Ռուսաստանը, հնարավոր է, պատրաստ է առաջ շարժվել, բայց դեռ երկար ճանապարհ կա անցնելու դեպի կայուն զինադադար և համապարփակ դեէսկալացիա»,- ասել է նա, փոխանցում է ТАСС-ը:
