«Նրան թույլատրվում էր ամեն ինչ` անգամ ոչ մի գրամ չխմել այդ «գործի» տիտանների շրջապատում»․ Արմեն Դարբինյան

ՀՀ նախկին վարչապետ Արմեն Դարբինյանի գրառումը․ «Նախագահ Տեր֊Պետրոսյանը անառարկելի հեղինակություն էր 90֊ականների հետխորհրդային առաջնորդների շրջանում. նրա խոսքին աչալուրջ էին լինում, խորհրդին հետևում էին, և նրան թույլատրվում էր ամեն ինչ` անգամ ոչ մի գրամ չխմել այդ «գործի» տիտանների շրջապատում։ Դե պատկերացրեք իմ` երիտասարդ նախարարիս վիճակը, երբ պաշտոնական պատվիրակությունների պատվին տրվող ճաշկերույթների ժամանակ նախագահներ Ելցինի կամ Նիյազովի հայացքը կանգնում էր ինձ վրա` Տեր֊Պետրոսյանի փոխարեն штрафную рюмку ինձանից պահանջելով։ Հատկապես ծանր էր ինձ համար 1997-ին Աշգաբատ կատարած այցը` մի երկու ամիս խելքս գլուխս չէր գալիս դրանից հետո։
Սրտանց շնորհավորում եմ Նախագահ Տեր֊Պետրոսյանին ծննդյան օրվա կապակցությամբ»։