«Եռաբլուր» զինվորական պանթեոնում՝ այսօր՝ հունվարի 13-ին մոմավառություն տեղի ունեցավ՝ ի հիշատակ Ադրբեջանի կողմից Արցախի նկատմամբ սանձազերծված պատերազմի հետեւանքով զոհված մեր հերոսների։
Մոմավառությունը նախաձեռնել էր «Թովմասյան» բարեգործական հիմնադրամը։
«Ամեն մի հայ՝ հարգելով ունեցած կորուստները, պետք է իր հարգանքի տուրքը մատուցի։ Սա մեր հարգանքի տուրքն էր, որը կարող էինք անել։ Սերունդներին պետք է ճիշտ դաստիարակենք ու կարողանանք բացատրել, թե ինչ է հարգանքը, կազմակերպենք նորմալ, բարեկեցիկ կյանք ապրողների համար։ Դա հնարավորություն կտա հիշել նահատակներին՝ միայն լավով, միայն ճիշտ ճանապարհ կառուցելով»,- լրագրողների հետ զրույցում նշեց հիմնադրամի նախագահ Արտակ Թովմասյանը։
Եռաբլուրում տեղի ունեցավ հոգեհանգստյան արարողություն եւ հնչեցին շարականներ։
