Մազերն առավել վնասվում են ամռանը եւ հատուկ խնամքի կարիք ունեն։ Կիզիչ արեւը, չոր օդը, որոշ տարածաշրջաններում՝ նաեւ ծովի ջուրը կարող են բացասական ազդել մազերի տեսքի եւ որակի վրա։
Անհրաժեշտ է հետեւել այս պարզ կանոններին՝ մազերը չվնասելու համար։
Գլխարկ կրեք՝ ամռանը գլխարկ կրելն իսկապես անհրաեժեշտություն է, հիանալի պաշտպանում է թե մազերը, թե գլուխը՝ ջերմային հարվածից։
Պաշտպանող միջոցներ օգտագործեք՝ հատուկ դիմակները, կոսմետիկան, որոնք պաշտպանիչ հատկություններ ունեն, հարուստ են հատուկ յուղերով, կօգնեն մեղմել արեւի վնասակար ճառագայթների ազդեցությունը մազերի վրա։
Խուսափեք ամեն օր մազերը լվանալուց՝ շամպուներում քիմիական բազմաթիվ նյութեր կան, որոնք վնասում են մազերը։ Ամռանը նախընտրեք բնական բաղադրիչներով շամպուններ, սակայն ամեն օր մի լվացեք մազերը։
Բալզամ օգտագործեք՝ դրանք սնուցում են մազերը, պահպանում խոնավությունը։ Սակայն բալզամ քսեք ոչ թե մազերի երկայնքով մեկ, այլ միայն ծայրերին, 5 րոպե թողնելուց հետո լվացեք։
Մազահարդարման միջոցներից խուսափեք՝ մազերի հարդարման համար նախատեսված միջոցները՝ լաք, մուս եւ այլն, նույնպես ամռանը չարժի շատ օգտագործել։ Դրանք մեծացնում են ուլտրամանուշակագույն ճառագայթների ազդեցությունը մազերի վրա։
