Ավետ Բարսեղյանը դստեր լուսանկարն է հրապարակել

Ավետ Բարսեղյանն իր Instagram-ում դստեր լուսանկարն է հրապարակել, որն արված է տոնական ծառի ֆոնին։ Լուսանկարին կից հաղորդավարը շնորհավորելով Ամանորը՝ կատարել է հետեւյալ մեկնաբանությունը․

«Մեր կյանքը պահերից է, ահերից է, մահերից է,

մեր կյանքը քարերից է, սարերից է, դարերից է,

մեր կյանքը կետերից է, գետերից է, նետերից է,

մեր կյանքը բարձրաձայն մեր Ախ-երից է, վախերից է,

մեր կյանքը գունավոր է, սև-սպիտակ է, թունավոր է,

մեր կյանքը վերքերով է, երգերով է, մեղքերով է,

մեր կյանքը մեկ աղից է, մատաղից է, ծիծաղից է,

մեկ մեկ էլ չոր հացից է, թաց լացից է ու հարցից է,

մեր կյանքը կարոտից է, աղոթքից է,թարս ոտքից է,

մեր կյանքը արևից է, բարևից է, անձրևից է,

մեր կյանքը ներքևից է, վերևից է, տերևից է,

մեր կյանքը արմատից է, հավատից, լավից- վատից է,

մեր կյանքը օտարի մեջ միևնույնն է՝ Հայերենն է

մեր կյանքը խորթ տառի մեջ

Մաշտոցի սուրբ Այբուբենն է,

Մեր կյանքը նռներից է, ծառերից է,Ծռերից է

Մեր կյանքը վայրկյանում կամ խոնարհ գառ կամ խելագար է,

Մեր կյանքը ամբոխից է, հարևան մեր ոսոխից է,

մեր կյանքը ԱնընդՀատ իրեն այրող մեր Անհատից է,

մեր կյանքը ատելու չափ միևնույնն է մեր սիրուց է,

մեր կյանքը մեր աջից է, մեր խաչից է, Արարչից է,

մեր կյանքը մեր թանկից է, մեր վանքից-երազանքից է,

Մեր կյանքը դժոխքի միջով անցած հենց Մեր Կյանքից է.... Շնորհավոր մեր կյանքի ևս մի Նոր տարի։Խաղաղ երկնքով ապրենք...»։