Լոս-Անջելոսում 1980-ական թթ.-ին ստեղծված «Armenian Power» խմբավորումը հիմնականում բաղկացած է Կալիֆորնիայում ապրող հայերից, ովքեր այդ թվականներին փորձել են դիմակայել ԱՄՆ-ի հարավային այդ նահանգի լատինաամերիկյան հանցավոր խմբավորումներին:
Մինչև 2011թ.-ի ձերբակալությունը, խմբավորումը բաղկացած էր 200 անդամներից: «Armenian Power»-ի կենտրոնատեղին գտնվում է Լոս-Անջելոսի մերձակայքում գտնվող Գլենդյլ քաղաքում:
Խմբավորումը զբաղվում էր դրամաշորթությամբ, զենքերի վաճառքով, ֆինանսական մախինացիաներով, ինչպես նաև սերտ կապեր է պաշտպանում մեքսիկական «ԼաԷմե» խմբավորման հետ, որը համարվում է ամենաազդեցիկներից մեկը Կալիֆորնիայում:
«Armenian Power» խմբավորումը սերտ կապեր ունի ռուսական մաֆիայի, ինչպես նաև Ռուսաստանում և Հայաստանում գտնվող «օրենքով գողերի» հետ:
Խմբավորմանը լուրջ հարված է հասցվել 2011թ.-ին, երբ ամերիկացի իրավապահները հատուկ գործողություն են իրականացրել հայկական խմբավորման դեմ, որը կոչվում էր «Լույսի անջատում»՝ «Operation Power Outage»:
Գործողությանը մասնակցել են հազարավոր իրավապահներ, այդ թվում Դաշնային հետախուզության վարչության աշխատակիցները:
Հատուկ գործողությունը իրականացվել է Կալիֆորնիայում, ինչպես նաև Մայամիում և Դենվերում: Ընդհանուր առմամբ, ճաղերի հետևում է հայտնվել 80 մաֆիաոզ, ևս 20-ը գտնվում են ազատության մեջ:
